लोणावळा : लोणावळ्यातील इंद्रायणीनगर येथील बंद असलेल्या भाजी मार्केटमध्ये नेहमीप्रमाणे झोपण्यासाठी जाणाऱ्या एका तरुणावर अज्ञात व्यक्तींनी धारदार शस्त्राने वार करून खून केल्याची घटना शनिवारी सकाळी सहा वाजता उघडकीस आली आहे.

कुरेशी यांनी दिलेल्या फिर्यादीनुसार बिलाल याला गांजा, दारूचे व्यसन जडले होते. तसेच तो कोणताही कामधंदा करत नव्हता. त्यामुळे तो मागील ८ ते १० वर्षांपासून इंद्रायणीनगर लोणावळा येथील बंद पडलेल्या भाजी मार्केट मधील गाळ्यामध्ये रोज झोपण्यासाठी जात होता.

बिलाल नेहमीप्रमाणे शुक्रवारी सदर मार्केटमधील गाळ्यामध्ये झोपण्यासाठी गेला होता. शनिवारी सकाळी सहा वाजता बिलालची मोठी चुलती मैमुना सत्तार कुरेशी ही नेहमीप्रमाणे बिलालला उठवण्यासाठी मार्केटमध्ये गेली असता, तिला बिलालच्या डोक्यातून मोठ्या प्रमाणात रक्त आलेले दिसले. ते पाहून तिने आरडा ओरडा केला असता, बिलालची आई सुलताना कुरेशी, चुलते सत्तार कुरेशी, चुलतभाऊ गुफरान कुरेशी यांनी बिलालच्या जवळ जाऊन त्याला उठविण्याचा प्रयत्न केला.

मात्र त्याची कोणतीच हालचाल दिसली नाही. त्याच्या डोक्यातून मोठ्या प्रमाणात रक्तस्राव झाला होता. त्याच्या डोक्यात कोणीतरी अज्ञाताने अज्ञात धारदार हत्याराने वार करून गंभीर जखमी करत खून केला. या घटनेची माहिती समजताच लोणावळा शहर पोलिसांनी घटनास्थळी धाव घेत घटनेचे पहाणी केली.