पुणे : पिस्तुल विक्री करण्यासाठी आलेल्या सराईत गुन्हेगार मंगेश पालवेला साथीदारासह स्थानिक गुन्हे शाखेच्या पुणे ग्रामीण पोलीसांनी अटक केली आहे. त्यांच्याकडून ४ गावठी पिस्तूल तसेच जिवंत काडतुस व मोबाईल फोन असा एकूण २ लाख ५६ हजार ३० रुपये किमतीचा मुद्देमाल जप्त केला आहे.

पोलिसांनी दिलेल्या माहितीनुसार, पौड पोलीस ठाण्यात मोका कायदयान्वये दाखल गुन्हयातील फरारी असलेल्या आरोपींचा शोध घेणेकामी पौड पोलीस स्टेशनचे हददीत पद्माकर घनवट (पोलीस निरीक्षक, स्थानिक गुन्हे शाखा,पुणे ग्रामीण) यांच्या आदेषान्वये पोलीस अधिकारी व अंमलदार हे पेट्रोलिंग करत असताना घोटावडे गावचे हद्दीत हनुमान मंदिर चौक ते बापुजीबुवा मंदिर कडे जाणारे रोडवर बापुजीबुवा मंदिराचे उत्तर बाजुस मोकळे जागेत पौड पोलीस ठाण्यात गुन्हा दाखल असलेला आरोपी आरोपी मंगेश नामदेव पालवे हा त्याच्या जवळ असणारे पिस्तुल विक्री करणार असून ते घेण्याकरीता ५ व्यक्ती आले असून त्यांच्यात पिस्तुलची खरेदी व विक्री चालू आहे ’’ अशी खात्रीशीर बातमी मिळाल्याने सदर ठिकाणी जावुन अचानक छापा टाकला असता वरील आरोपी मिळून आले. त्याची अंगझडती घेता त्याचे अंगझडतीत सदर इसमांपैकी मंगेष नामदेव पालवे, अरविंद महादेव गाडे, रामदास भिमराव ओझरकर, गौरव शंकर लोंढे यांच्याकडे प्रत्येकी १ पिस्तुल तसेच जिवंत काडतुस व मोबाईल फोन असा एकुण २ लाख ५६ हजार ३० रुपये किमतीचा माल मिळुन आला आहे. सदर आरेापींना पुढील कारवाई कामी पौड पोलीस स्टेशनचे ताब्यात देणेत आले आहे.